مطبخ أم عدة

طريقة تحضير شخشوخة الظفر

أولا نوجد المرق:

نقلي حبه بصل كبيرة مفرومة او 2 مع حبة طماطم مفرومة و 3 فصوص ثوم في ملعقة سمن و ملعقه زيت + قطع لحم غنم أو دجاج او نخلط ال2 حسب الرغبه
نضيف الملح و التوابل: فلفل اسود+ بابريكا+ فلفل أحمر حار+ راس الحانوت
نقلي الكل جيدا و نضيف حمص منقوع+ قرن فلفل حار
هذا النوع من الشخشوخة منديرولهاش الخضر تتعمل فقط بالحمص لكن نقدر نضيف حبه جزر أو كوسه نزين بها الطبق في الأخير
بعد ما تتقلى نمرق بالماء الساخن و نضيف ملعقة كبيره معجون طماطم+ شوي هريسة و نخلي اللحم ينضج

الان نوجد الشخشوخة :

ندهنا بشوي زيت و نفركها باليد جيدا و نحطها تفور في الكسكاس فوق المرق المره الأولى
ثم نفرغها في قصعة و نرشها بالماء نخليها تتشرب و نرجع نفورها المره ال2
المرة ال3 نسقيها بليدام تع المرق و نزيد نفورها
كي يطيب اللحم انحيه و نجمرها في المرق على نار قليييله حتى تتشرب مليح و نزيدلها مغرف زبده حرة تعطيها بنة
و مننساش انحي كميه من الصوص مع اللحم حتى لو نشفت الشخشوخه نزيد نسقيها عند التقديم و منها قطع اللحم تبقى سخونه في المرق متبردش و تنشف كي انحيها

كاين نوعين من هذي الشخشوخة : تع الظفر و تجي مسطحة و النوع الاخر تجي شوي خشينه مكعبره تتعمل بالمقص او السكين و تشرب المرق أكثر من الأولى

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*