مطبخ أم عدة

وصفة العرايش

المقادير:

3كيلات فرينة ممسوحين

كيلة سمن معمرة

فانيليا

ملح

2مغارف سكر ناعم بسسيهم مليح ولمي بخليط ماء الزهر والماء

اوزينيها 40 غ 

وخليها ترتاح..وجدي الحشو تاعك 3 كيلات لوز محمص شويا بلا ميتبدل لونو أو كوكاو مرحي ومحمص مليح كيلة ناقصة سكر عادي.مغرفة سمن ذايب مغرفة فانيليا لميها واعجنيها مليح بماء الزهر حتى تتعسل

اوزني كرات 20غ أو 15 غ وشكلي الحبة تع العرايش..

الغلاصاج:

 كيلة صغيرة حليب..نفس الكيلة زيت..نفس الكيلة ماء الزهر..خلطي مليح وابداي تزيدي في سكر الناعم المغربل على مرتين اضيفي الملون اللي حبيتي اذا كان غبرة شدي شوية طلية وذوبيه فيها مليح منبعد اضيفيه للخليط.زيدي سكر الناعم حتى يثقال الغلاصاج في الاخير اضيفي مغرفة عصير الليمون.
الكيلة لازم تكون صغيرة..(نصف كأس شاي مثلا)

الوصفة الثانية :

 المقادير:

العجينة:

فرينة 3 كيلات
2مغارف كبار سكر رطب
م/ك فانيليا
قرصة ملح
كيلة غير ربع سمن مدينة و كمليها بالزيت حتى تفيض
كيلة خليط من الماء الزهر و الماء
خلطي كامل المكونات مع بعض و ضيفي الماء بلا متعجنيها لازم ما تكون طرية بزاف و ما تكون يابسة بززاف و خليها ترتاح في كيس بلاستيكي من نصف ساعة ل ساعة و ممبعد شكليها كويرات وزن 40 غرام

الحشو :

اللوز او كاوكاو 3 كيلات محمص قليلا
كيلة سكر عادي
م/ك مارغارين
م/ك فانيليا
و طمي بالماء الزهر
وزن الحشو 15 حتى 18 غرام انا شخصيا ندير 18غرام بعد التشكيل العرايش خليهم يباتوا ليلة كاملة باش يحافظوا على الشكل ديالهم
مدة الطهي 20د على درجة 170' 180' حسب الفرن ديالك.

زائرنا الكريم : رجاءآ لاتنسى الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*